Deko

Huel déi nächste Kéier, wou s du mat dengen Eltere spadséiere gees, e Kuerf oder eng Tut mat a sammel souvill verschidden Naturmaterialien, wéi’s de fënns (z.B. Blummen, Blieder, Moos, Äscht, asw). Wann’s de rëm doheem bass, da sich e klenge Kuerf (oder eng kleng Këscht), deen’s du mat all denge Schätz, déi’s du ënnerwee gesammelt hues, dekoréiers. Du kanns och nach aner Dekoratiounssaache vun doheem mat dobäihuelen.

Deng Elteren a Geschwëster kënnen dir gäre bei der Dekoratioun vum Kuerf (der Këscht) hëllefen. Wann’s du fäerdeg bass, stell däi Kuerf op eng Plaz, wou jiddereen e gutt gesäit a bewonnere kann!