Hopsen

Sich 5 Puer Schong a stell se an eng Rei hannerteneen. Wiessel dobäi ëmmer d’Richtung vun de Schong (Foto 1). Fro deng Elteren, fir dir ze hëllefen, wann dat nach ze schwéier fir dech ass.

Wann deng Rei mat de Schong prett ass, da geet et lass. Versich, de Parcours sou séier wéi méiglech nozesprangen a pass dobäi op, datt deng Féiss an déi selwecht Richtung weise wéi d’Schong (Fotoen 2 an 3). Du kanns däi Parcours ëmmer erëm veränneren.

 

 

 

 

 

Dat ass dir nach vill ze liicht? Da sich och 2-3 Puer Händschen. Lee elo e Parcours mat de Schong an den Händschen, z.B. sou wéi op de Fotoe 4 a 5. Denger Fantasie si keng Grenze gesat. Maach et sou schwéier, wéi’s de wëlls! Fuerder deng Famill oder Frënn och eraus fir matzesprangen! Wien ass dee séiersten?