Konturen

Maach dach emol e Spill fir deng Famill oder deng Frënn! Sich am Haus eng Rei Géigestänn, déi net méi grouss wéi en DIN A4 Blat sinn (z.B. Teller, Zännbiischt, Zalotebesteck) an zeechen d’Konture vun dëse Géigestänn no. Mol der souvill, wéi’s du Loscht hues. Wann’s du fäerdeg bass, kanns du denger Famill oder denge Frënn deng Blieder mat de Konture weisen. Looss si rode, wat et ass! Duerno kënnt dir d’Rollen tauschen: deng Famill oder deng Frënn zeechnen an du däerfs roden!