Massage

Wann d’Matrouse scho laang um Schëff waren a vill a schwéier geschafft haten, krute si oft de Réck wéi an och hir Muskelen an den Äerm an an de Been hu gebrannt. Wat do gutt gehollef huet, war dem Kapitän seng “Pizzabäcker-Massage”. Probéier se mol aus: 

1. Stell dir vir, du wäers e Pizzadeeg an deng Mamma oder däi Pappa de Pizzabäcker. Lee dech am beschte gemittlech mam Bauch op eng mëll Decken oder op d’Bett.
2. De Pizzadeeg gëtt fir d’éischt gutt gekniet. (Deng Mamma oder däi Pappa knieden däi Réck – awer net ze fest).
3. Duerno muss de Pizzadeeg opgoen – dofir brauch e Wäermt. (Deng Eltere reiwen dir de Réck lo gutt waarm). 
4. Da gëtt den Deeg ausgerullt. (Deng Eltere fuere mat béiden Hänn vun denge Schëllere bis erof bei däi Becken).
5. Elo ass den Deeg prett fir d’Tomatenzooss. (Deng Eltere maache Kreesser op dengem Réck, fir d’Zooss ze verreiwen). 
6. Et feelt nach eppes op der Pizza: Zoossiss? Ham? Champignonen? (Deng Elteren tuppe liicht mat de Fangerspëtzen op verschidde Plaze vun dengem Réck).
7. Zum Schluss kënnt gutt vill Kéis drop (Deng Eltere kribbelen iwwert däi Réck). 
8. Fäerdeg ass d’Pizza fir an den Uewen (Deng Eltere leeë sech eng Kéier kuerz widdert dech, dass de d‘Hëtzt gutt spiers). 

Ei! dat huet gutt gedoen 😊

Inspiréiert vun : Elternwissen.com