Natur

Fir dëst Gediechtnes-Spill brauchs du zwee Stécker Stoff (z.B. Kichendicher oder Handdicher) an 8-10 Saachen aus der Natur oder dengem Gaart (z.B. Blumm, Steen, Aascht). Fro deng Famill oder deng Frënn, datt si dir 5-10 vun dëse Saachen op ee Stéck Stoff leeën. Kuck dir se wärend 1 Minutt gutt un! Duerno ginn d’Saache mat deem anere Stéck Stoff verstoppt. Probéier elo, méiglechst vill vun dëse Saachen am Gaart ze fannen! Wann dir kee Gaart hutt, kanns de dat selwecht Spill och mat Haushaltsartikelen oder denge Spillsaache spillen.