Puzzle

Maach dir e schéine Puzzle! Huel eng Kartongskëscht vu Cornflakes oder Müsli a schneit de viischten Deel vun der Këscht (do, wou d’Bild drop ass) an 10 Stécker. Mësch d’Stécker duerno gutt duercherneen a probéier, se rëm richteg beieneen ze setzen. Voilà, sou hues du dir däin eegene Puzzle gebastelt! Wann’s du mengs, dat wier ze liicht fir dech, da schneit en a méi Stécker.