Ronnen

Sich dir eng Plaz, wou’s du e puer Ronnen dréie kanns, entweder dobannen (z.B. ronderëm en Dësch) oder dobaussen (z.B. am Gaart oder virum Haus). Géi déi éischt Ronn ganz normal ronderëm, fir ze kucken, ob näischt am Wee läit oder dech hënnert. Versich dech duerno bei all Ronn op eng aner Aart a Weis ze beweegen (z.B. hannerzeg, säitlech, op alle Véieren, mat zouenen Aen, op engem Been). Wéi vill ënnerschiddlech Beweegunge fënns du fir deng Ronnen ze dréinen?