Schmaachen

Test de Geschmaachssënn vun denger Famill oder denge Frënn! Sich 5-8 Iesssaachen, déi’s du hinnen herno wëlls ze schmaache ginn (z.B. Uebst, Gebeess, Ketchup, Hunneg). Preparéier alles an der Kichen (z.B. méi grouss Saachen a kleng Stécker schneiden, kleng Läffele prett leeë fir leefeg Saachen). Wann’s de fäerdeg bass, da verstopp d’Saachen ënnert engem Kichenduch. Ruff ee Member aus denger Famill oder e Frënn / eng Frëndin, verbann him / hir d’Ae mat engem Schal a gëff him / hir lo no an no déi verschidde Saachen ze schmaachen. Fënnt hien/hatt um Goût eraus, wat et ass? Widderhuel dëst Spill mat all de Memberen aus dengem Stot oder denge Frënn, vergiess awer net, fir jiddereen nei Läffelcher prett ze leeën. Deejéinegen, deen déi meeschten Iesssaache richteg erkannt huet, däerf dir duerno Iesssaache gi fir ze schmaachen an du däerfs roden. Gudden Appetit 😉