Wolleken

Haut kriss du en Androck, wéi et wier op Wolleken ze goen…

Sich souvill Këssen zesummen, wéi’s du fënns, et ass egal, wéi grouss oder déck se sinn. Wann’s du der genuch hues, da lee se lo op de Buedem a maach sou eng laang Schlaang wéi méiglech. Stell dech virun dat éischt Këssen an do deng Schlappen aus. Probéier lo iwwert déi ganz Streck vu Këssen ze goen, ouni widder de Buedem ze kommen – esou wéi wann et Wolleke wären!